ಎದೆಯೊಳಗಿನ ಮಳೆ.....

ಭೋರ್ಗರೆವ ಮಳೆ ನನ್ನೊಳಗೆ
ಬೆಚ್ಚನೆ ಮುಚ್ಚಿಹ ಪದರನು ಸಡಿಲಿಸಿ
ಒಳಗಣ ನೆನಪನು ಕೆದಕುತಿದೆ
ನೂರಾಸೆಯ ಒಡಲನು ತಟ್ಟುತಿದೆ

ಭಿರುಬೀಸಿನ ಈ ಮಳೆಯ ಆರ್ಭಟಕೆ
ಮನದ ಸಂಯಮವೆ ಹಾರುತಿದೆ
ಸಶಕ್ತವಲ್ಲದ ಕದವನು ಒಡೆದು
ಮನದೊಳಗೆಯೆ ಜಲ ನುಗ್ಗುತಿದೆ

ತಲೆ ಎತ್ತಿದ ಹಳೆ ನೆನಪುಗಳೆಲ್ಲ
ಹೊಸದೆಂಬಂತೆಯೆ ತೋರುತಿವೆ
ಬಣ್ಣ ಬಣ್ಣದಲಿ ಕಂಗೊಳಿಸುತ ಇವು
ರಂಗಿನ ಲೋಕವ ಸೃಷ್ಟಿಸಿವೆ

ನೆನಪುಗಳಾಳದ ಬೇರಿನ ಅಂಚಲಿ
ಆಸೆಗಳೆಷ್ಟೋ ಚಿಮ್ಮುತಿವೆ
ಚಿಮ್ಮುವ ಆಸೆಯ ಹೊಮ್ಮುವ ಪ್ರವಾಹ
ನನ್ನನೆ ಎಲ್ಲಿಗೊ ಒಯ್ಯುತಿದೆ.

ಕಾಮೆಂಟ್‌ಗಳು

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

ಬೆಳಕು ಬಿದ್ದೊಡನೆ (ಕಥೆ )

ಸವೆದ ಕಲ್ಲಿನ ಹಿಂದೆ (ಕಥೆ)

ಏಕಮೇವ ಕೋರಿಕೆ.