ಇಬ್ಬಗೆಯ ನೀತಿ ಏಕೆ?

            ಇತ್ತೀಚೆಗೆ ತುಂಬಾ ಚಚಿ೯ತವಾಗಿರುವ ಗೋ ಹತ್ಯೆ ನಿಷೇದದ ಬಗ್ಗೆ ವಿಚಾರ ಮಾಡಿದಾಗ,ನಿಷೆದವನ್ನು ವಿರೋಧಿಸುವವರ ನಿಲುವಿನ ಬಗ್ಗೆ ಕೆಲವು ಪ್ರಶ್ನೆಗಳು ಮೂಡುತ್ತವೆ. ನೀವು ಗೋ ಹತ್ಯೆಯನ್ನು ಸಮರ್ಥಿಸುತ್ತೀರಿ ಎಂದಾದಲ್ಲಿ ಇತ್ತೀಚಿಗೆ ಕುಷ್ಟಗಿಯಲ್ಲಿ ನಡೆದ ಪ್ರಾಣಿ ಬಲಿಯ ಬಗ್ಗೆ ನಿಮ್ಮ ಅಭಿಪ್ರಾಯ ಏನು. ಪ್ರಾಣಿ ಬಲಿಯನ್ನು ವಿರೋಧಿಸುವಿರಿ ಎಂದಾದರೆ ,ಗೋ ಹತ್ಯೆಯನ್ನು ಹೇಗೆ ತಾನೇ ಸಮರ್ಥಿಸುತ್ತೀರಿ. ಸ್ವಯಂ ಘೋಷಿತ ಮಹನೀಯರೆಲ್ಲರೂ ಒಂದೇ ಮನಸ್ತಿತಿಯನ್ನು ಹೊಂದಿದ್ದಾರೆ . ಪ್ರಾಣಿ ಬಲಿಯನ್ನು ಅವ್ರು ಸುತರಾಂ ಬೆಂಬಲಿಸಲಾರರು . ಬೆಂಬಲಿಸಿದಲ್ಲಿ ಅವರು ಅಜ್ಞಾನಿ, ಅವೈಚಾರಿಕ , ಮೂಢವ್ಯಕ್ತಿ ಎಂದಾಗುತ್ತಾರೆ.ಆದರೆ ಗೋ ಹತ್ಯೆಯ ನಿಷೆಧವನ್ನು ತೀವ್ರವಾಗಿ ಖಂಡಿಸುತ್ತಾರೆ. ಇದು ಅವರನ್ನು ವೈಚಾರಿಕರನ್ನಾಗಿಯೂ, ಹೋರಾಟಗಾರರನ್ನಾಗಿಯೂ, ಜಾತ್ಯಾತೀತರನ್ನಾಗಿಯೂ ಮಾಡುತ್ತದೆ. ಒಂದೇ ರೀತಿಯ ಘಟನೆಗಳ ಮೇಲೆ ಎರಡು ವಿಭಿನ್ನ ರೀತಿಯ ಅಭಿಪ್ರಾಯಗಳು ಬರುವುದು ವ್ಯಕ್ತಿಯ ಲಜ್ಜೆಗೆಟ್ಟ ತನವನ್ನು ತೋರಿಸುತ್ತದೆ.

         ಗೋ ಹತ್ಯೆ ಮಾಡುವುದು ಆಹಾರ ಪದ್ದತಿಯ ದೃಷ್ಟಿಯಿಂದ ಅನಿವಾಯ೯ ಎನ್ನುವುದಾದರೆ, ಬಲಿ ನೀಡುವುದು ಕೂಡ ಧಾಮಿ೯ಕ ಪದ್ದತಿಯ ದೃಷ್ಟಿಯಿಂದ ಅನಿವಾಯ೯ ಎಂದರೆ ತಪ್ಪಾಗುತ್ತದೆಯೆ? ಒಂದು ಸರಿ,ಇನ್ನೊಂದು ತಪ್ಪಾಗಲು ಹೇಗೆ ಸಾಧ್ಯ?.ತಪ್ಪೆನ್ನುವುದಾದರೆ ಎರಡೂ ತಪ್ಪು. ಸರಿ ಎಂದಾದರೆ ಎರಡೂ ಸರಿ. ಏಕೆಂದರೆ ಎರಡೂ ಘಟನೆಗಳಲ್ಲಿಯೂ ಮುಗ್ಧ ಪ್ರಾಣಿಗಳು ಹಿಂಸಾತ್ಮಕವಾಗಿ ಸಾಯುತ್ತವೆ.ಇಲ್ಲಿ ಒಂದನ್ನು ಹಿಂಸೆ ಎಂದು ಖಂಡಿಸ ಹೊರಟರೆ, ಇನ್ನೊಂದು ಕೂಡ ಹಿಂಸೆಯೇ ಆಗಿದೆ. ಗೋ ಮಾಂಸ ಆಹಾರವಾಗಿ ಅವಷ್ಯಕ ಎಂದು ಸಾಧಿಸ ಹೊರಟರೆ, ಬಲಿ ಕೊಟ್ಟ ಪ್ರಾಣಿಗಳನ್ನೂ ನಂತರ ಆಹಾರವಾಗಿಯೇ ಬಳಸಲಾಗುತ್ತದೆ. ವಿಚಾರ ಕತ್ತಿಯ ಅಲುಗಿನಷ್ಟೇ ಹರಿತವಾಗಿದೆ.

     ಗೋವು ಭಾರತೀಯರೊಂದಿಗೆ ಭಾವನಾತ್ಮಕವಾಗಿ ಬೆಸೆದುಕೊಂಡಿದೆ.ಭಾರತೀಯ ಸಂಸ್ಕೃತಿಯಲ್ಲಿ ಬೆಳೆದವರು ಗೋ ಹತ್ಯೆಯನ್ನು ಸಮಥಿ೯ಸಲಾರರು . ಸಮಥಿ೯ಸುವವರು ಎಲ್ಲೋ ಬೆರಳೆಣಿಕೆಯಷ್ಟು ಇರಬಹುದು. .ನಾವು ವಿಚಾರ ಮಾಡಬೇಕಿರುವುದು ಹಿಂಸಾತ್ಮಕವಾಗಿ ಕೊಲ್ಲುವುದನ್ನು ಹೇಗೆ ನಿಲ್ಲಿಸಬೇಕೆಂದು. ಈ ವಿಚಾರದಲ್ಲಿ ನಮಗೆ ಅಗತ್ಯವಾಗಿರುವುದು ಸ್ವಂತ ನಿಲುವು. ಬೇರೆ ಯಾವುದೇ ವಿಚಾರ, ತತ್ವ ಸಿದ್ದಾಂತಗಳು ನಮ್ಮನ್ನು ದ್ವಂಧ್ವದಲ್ಲಿಯೇ ಉಳಿಸುತ್ತವೆ. ಗೋ ಹತ್ಯೆ , ಪ್ರಾಣಿ ಬಲಿಯಂತಹ ಪದ್ದತಿಯನ್ನು ನಿಷೇಧಿಸುವುದರಿಂದ ಮುಗ್ಧ , ಮೂಕ ಪ್ರಾಣಿಗಳು ಹಿಂಸಾತ್ಮಕವಾಗಿ ಸಾಯುವುದನ್ನು ತಡೆಗಟ್ಟಬಹುದು. ನಾವು ಸಾಧಿಸಬೇಕಾಗಿರುವುದೂ ಅದನ್ನೇ ಅಲ್ಲವೇ?. ಈ ಮಹತ್ಕಾಯ೯ಕ್ಕಾಗಿ ಅಹ್ಹಾರ ಪದ್ದತಿಯಲ್ಲಿ ,ಧಾಮಿ೯ಕ ನಂಬಿಕೆಯಲ್ಲಿ ಕೊಂಚ ಬದಲಾವಣೆ ಮಾಡಿಕೊಂಡಲ್ಲಿ ನಮಗಾಗುವ ನಷ್ಟವಾದರೂ ಏನು? ಈ ಮಟ್ಟಿಗೂ ನಮಗೆ ಸ್ವಂತ ವಿಚಾರವಿಲ್ಲವೇ? ಹಾಗಾಗದಿದ್ದಲ್ಲಿ ನಮ್ಮ ಆಧುನಿಕತೆ, ನಾಗರಿಕತೆ ಗಳಿಗೆ ಅಥ೯ ಏನಿದೆ?