ಕಳೆದು ಹೋಯಿತು..

ಅಂದು ತಾಷ್ಕಂಟಿನಲಿ ಕಳೆದುಕೂಂಡೆವು ನಾವು
ಅತಿ ವಿರಳ, ಬಹು ಸರಳ ರತ್ನವೊಂದ.
ವರುಷ ಐವತ್ತೊಂದು ಕಳೆದು ಹೋದರು ಕೂಡ

ಪಡೆಯದಾದೆವು ಮರಳಿ ಅಂತದ್ದೊಂದ.

ಸಾಮಾನ್ಯರಲ್ಲಿ ಅತಿ ಸಾಮಾನ್ಯನಾಗಿ
ಎತ್ತರದ ಪದವಿಯಲಿ ಈ ಜನಾನುರಾಗಿ
ಕುಳಿತು ಆಳಿದರು ಹದಿನೇಳು ತಿಂಗಳು
ನೆನಪಾಗಿ ಅರಳುವುದು ಸಂತಸದಿ ಕಂಗಳು

ಶತ್ರುಗಳು ಬಂದು ಮುತ್ತಿಗೆಯ ಹಾಕಿದರು
ಒಂದಿನಿತು ಕೂಡ ಅಳುಕಲಿಲ್ಲ ಇವರು
ಆಯುಧಕೆ ಆಯುಧದೆ ಕೊಡುವೆವುತ್ತರವೆಂದು
ಸಾರಿದರು ಅತಿಘೋರ ಸಮರವಂದು

ದೇಶದೊಳಿತಿಗೆ ಮಾಡಿ ಉಪವಾಸವೆಂದು
ತಮ್ಮಿಂದಲೇ ಅದನು ಜಾರಿಯಲಿ ತಂದು
ಗೆದ್ದರು ದೇಶ ವಾಸಿಗಳ ಹೃದಯ
ಎಂದೆಂದಿಗೂ ಅದುವೆ ಅವರಾಲಯ

ವಾಮನಾಕಾರದಲಿ ಕಣ್ಣ ಕೋರೈಸುವುದು
ಸರಳತೆಯ ಹಿಂದಿರುವ ದಿವ್ಯ ಪ್ರಕಾಶ
ಪಾದಕೆರಗಿ ಒಮ್ಮೆ ನಮಿಸಬೇಕಿದೆ ಅದಕೆ
ಎಂದಾದರೊಂದುದಿನ ಸಿಕ್ಕರವಕಾಶ.

( ಲಾಲ್ ಬಹದ್ದೂರ್ ಶಾಸ್ತ್ರೀಜಿಯವರ ೫೨ನೇ ಪುಣ್ಯ ತಿಥಿ: ದಿನಾಂಕ ೧೧-೦೧-೨೦೧೮)

ಹೇಳಬೇಕೆನಿಸಿದ್ದು......!